Mo rùn air na maraichean

Hill ù o ro hù o
Mo rùn air na maraichean
‘S e maraichean an t-sùgraidh
Bu shunndach a leannain iad
Hill ù o ro hù o

Dimàirt a dh’fhàg sinn Grianaig
‘S bu chianail na caileagan
A’ crathadh an cuid bhrèidean
‘S sinn fhèin a’s na crannagan
Hill ù o ro hù o

A’ crathadh an cuid bhrèidean
‘S sinn fhèin a’s na crannagan
‘S e Sìne Dhonn a b’ ainm dhi
‘S gu dearbh ‘s math a bhaisteadh i
Hill ù o ro hù o

‘S e Sìne Dhonn a b’ ainm dhi
‘S gu dearbh ‘s math a bhaisteadh i
Cha fhacas na bu bhòidhche
A’ seòladh bho acarsaid
Hill ù o ro hù o

Cha fhacas na bu bhòidhche
A’ seòladh bho acarsaid
‘S an uair a dh’fhàg sinn Cluaidh
Bha a’ ghaoth a tuath mar chaitheadh dhi
Hill ù o ro hù o

‘S an uair a dh’fhàg sinn Cluaidh
Bha a’ ghaoth a tuath mar chaitheadh dhi
Bu chiatach leam a’ gluasad
A’ fuaradh air Ealasaid
Hill ù o ro hù o

Bu chiatach leam a’ gluasad
A’ fuaradh air Ealasaid
Tha Nollaig a’ tighinn dlùth dhuinn
Is tha ‘Bhliadhn’ Ùr a’ teannadh orinn
Hill ù o ro hù o

Tha Nollaig a’ tighinn dlùth dhuinn
Is tha ‘Bhliadhn’ Ùr a’ teannadh oirnn
B’ i m’ aighear ‘s mo thoil-inntinn
Air tìr ‘s an Eilean Mhanainneach
Hill ù o ro hù o

B’ i m’ aighear ‘s mo thoil-inntinn
Air tìr ‘s an Eilean Mhanainneach
Gur mise bhios fo leòn dheth
An seòmar an Admiral
Hill ù o ro hù o

Gur mise bhios fo leòn dheth
An seòmar an Admiral
‘S nach fhaigh mi dhan taigh-òsda
‘A dh’òl leis na caileagan
Hill ù o ro hù o

Hill ù o ro hù o
Mo rùn air na maraichean
‘S e maraichean an t-sùgraidh
Bu shunndach a leannain iad
Hill ù o ro hù o